Atletico Madrid vann frábæran sigur í Meistaradeild Evrópu í gær er liðið mætti stórliði Juventus.

Um var að ræða fyrri leik liðanna í 16-liða úrslitum en Atletico hafði betur 2-0 á heimavelli.

Þeir Jose Gimenez og Diego Godin, miðverðir Atletico, sáu um að skora bæði mörk liðsins í seinni hálfleik.

Það vakti mikla athygli hvernig Diego Simeone, þjálfari Atletico Madrid fagnaði fyrra markinu. Hann snéri sér að stúkunni og greip um lim sinn.

,,Ég vildi sýna fólkinu að við hefðum pung,“ sagði Simeone sem þurfti að biðjast afsökunar á þessu, milljónir manna horfðu á leikinn í sjónvarpi.

Atvikið má sjá hér að neðan.