Sadio Mane, leikmaður Liverpool á Englandi, lenti í leiðindaratviki í gær er hann spilaði gegn Bayern Munchen.
Mane lék með Liverpool í Meistaradeildinni gegn Bayern en leikurinn fór fram á Anfield.
Á meðan viðureignin stóð yfir þá var heimili Mane rænt en þjófur komst inn í hús hans á milli klukkan 18:00 og 23:45.
Lögreglan rannsakar nú innbrotið nánar en úrum, símum og bíllyklum var stolið af heimili leikmannsins.
Þetta er alls ekki í fyrsta sinn sem knattspyrnumenn fá að finna fyrir slíku á meðan þeir leika með sínum félagsliðum.
Lögreglan biður alla þá sem hafa séð eitthvað grunsamlegt að hafa samband og reynir nú að fá aðgang að myndavélum í hverfinu.