Lið Ajax frá Hollandi fær verðugt verkefni í kvöld er liðið mætir Real Madrid í Meistaradeild Evrópu.

Real er fyrir leikinn talið sigurstranglegra enda hefur liðið unnið keppnina þrjú ár í röð.

Fyrri leikurinn fer fram í Amsterdam, á heimavelli Ajax og þarf liðið að eiga toppleik gegn núverandi meisturunum.

Stuðningsmenn félagsins reyndu að gera sitt til að hjálpa sínum mönnum og ákváðu að vera með læti klukkan þrjú í nótt.

Lögreglan í Hollandi handtók fjóra í nótt en stuðningsmenn sprengdu flugelda fyrir utan hótel Real í nótt.

Þeir reyndu að hafa áhrif á svefn leikmanna Real en stuðningsmenn tóku einnig upp á þessu á HM í Rússlandi í sumar.

Þetta er í fyrsta sinn sem Ajax kemst í 16-liða úrslit keppninnar í 13 ár og er spennan því mikil fyrir leikinn.