Gylfi Þór Sigurðsson, leikmaður Everton, er með markmið sem hann ætlar að bæta fyrir lok tímabils.
Gylfi hefur undanfarið ekki verið upp á sitt besta undanfarið eins og aðrir leikmenn Everton en liðið er í smá basli.
Íslenski landsliðsmaðurinn ætlar að skora meira en 11 mörk í ensku úrvalsdeildinni á tímabilinu en það er hans persónulega met.
Hann er nú þegar kominn með níu mörk í 23 leikjum en gerði 11 mörk fyrir Swansea tímabilið 2015/2016.
,,Ég mun bæta þetta met. Það eru nokkur mörk eftir áður en ég kemst þangað og það er nóg eftir,“ sagði Gylfi.
,,Það hefur verið gaman að skora mörkin sem ég hef skorað en ég stefni á metið.“
,,Ég set mér alltaf markmið í byrjun tímabils. Svo í lok tímabils er ég spurður hvort ég hafi náð þeim eða ekki.“
,,Ég mun ekki segja ykkur öll markmiðin en skal segja ykkur að ég vil bæta 11 mörkin.“
