Bubbi Morthens, einn ástælasti söngvari þjóðar spáir því að Manchester United, sigursælasta félag Englands sé aftur á leið á toppin.

Bubbi er harður stuðningsmaður United og kann vel við þá vegferð sem félagið er á, undir stjórn Ole Gunnar Solskjær.

United er nú að vinna sigur á Fulham og mun liðið þar með hafa unnið tíu af ellefu leikjum sínum undir stjórn Solskjær. Hann tók við liðinu um miðjan desember eftir að Jose Mourinho var rekinn.

Mourinho hafði keyrt allt í þrot hjá United en „Morðinginn með barnsandlitið“ eins og hann er kallaður hefur fært félaginu líf.

,,Hef skrifað um það áður 1964 árið sem ég varð MU maður hef, elskað þá nánast alla tíð svo kom móri (Mourinho) tók frá mér gleðina,“ skrifar Bubbi á Twitter.

,,Svo kom morðingi með barns andlitið og ég hef horft á alla leiki síðan ég hef sagt það áður það er stormur á leiðinni hroðalegur stormur,“ segir Bubbi sem spáir því að United fari aftur að vinna stóra titla.

Félagið hefur verið stefnulaust frá því að Sir Alex Ferguson hætti árið 2013.

hef skrifað um það áður 1964 árið sem ég varð MU maður hef elskað þá nánast alla tíð svo kom móri tók frá mér gleðina svo kom morðingi með barns andlitið og ég hef horft á alla leiki síðan ég hef sagt það áður það er stormur á leiðinni hroðalegur stormur pic.twitter.com/7e8p6yJm8V

— Bubbi Morthens (@BubbiMorthens) February 9, 2019