Því er ekki að neita að knattspyrnukappinn Rúrik Gíslason er einn af myndarlegustu mönnum landsins og þó víðar væri leitað.

Segja má að Rúrik hafi vakið athygli heimsbyggðarinnar, og þar á meðal kvenna nær og fjær, þegar íslenska landsliðið keppti á HM í sumar og rauk fylgjendafjöldi kappans á Instagram upp úr öllu valdi.

Rúrik birti í gær og í dag færslur á Instagram þar sem sjá má hann njóta lífsins í Brasilíu, meðal annars í sólbaði og í útsýnisferð með þyrlu, þar sem sjá má þekktasta kennileiti Rio de Janeiro, Kristsstyttuna.

Rúrik er þó ekki einn á ferð því með honum í för er Nathalia Soliani, brasilísk fyrirsæta, sem er á skrá hjá fyrirsætuskrifstofunni IMG Models.

Vel virðist fara á með Rúrik og Nathaliu, en ekki er þó vitað hvort sambandið er komið á alvarlegt stig eða ekki.

https://www.instagram.com/p/Bntck0yhSRV/