Ingi Þór og Stefán Atli í Ice Cold voru að byrja með nýjan hlaðvarpsþátt sem heitir Ice Cold Podcast. Í þættinum ræða þeir við skemmtilegt fólk um skemmtilega hluti.

Fyrsti gesturinn var Nökkvi Fjalar úr Áttunni, en í þættinum fer hann yfir ferilinn, hvernig hann byrjaði í 12:00, hvernig Áttan varð til, opnar sig um matarfíkn og segir að hann reyni að auka framlegðni sína á hverjum einasta degi. Einnig minnist hann lauslega á þegar hann var rekinn úr 12:00 og að hann hefur alltaf langað til að vinna með Audda Blö.

„Það hefur í gegnum tíðina verið mjög þægilegt að fá fólk til að vinna með, það eru vissir einstaklingar sem maður virðist aldrei ná með, mig hefur alltaf langað til að vinna með Audda Blö til dæmis. Við virðumst ekki vera að smella saman í þeim verkefnum sem ég er að bjóða honum,“ svarar Nökkvi Fjalar, aðspurður um hvort að hafi ekki verið vesen að fá þekkt fólk í lið með honum. (Heyrist á 26:13)

Ice Cold hlaðvarpið er komið á YouTube, Spotify og í Podcast appið.