Zlatan Ibrahimovic mun mæta á enskan landsleik á þessu ári í boði David Beckham eftir veðmál sem þeir félagar gerðu yfir HM í Rússlandi.

Zlatan og Beckham gerðu veðmál fyrir leik Englands og Svíþjóðar þar sem þeir ensku höfðu betur í 8-liða úrslitum.

Zlatan þarf nú að mæta á Wembley í ensku landsliðsstreyjunni en hann ætlar að virða veðmálið við félaga sinn.

,,David, við gerðum veðmál og ég tapaði,“ sagði Zlatan í samtali við BBC Sport.

,,Ég mun koma á Wembley til að horfa á landsleik og klæðast ensku landsliðsstreyjunni og borða enskan mat.“

,,Gefðu mér bara smá tíma til að anda og róa mig niður eftir tapið en þetta verður í lagi.“