16-liða úrslit Mjólkurbikars karla fara fram á miðvikudag og fimmtudag.
Á miðvikudag verða leiknir fimm leikir og á fimmtudag, Uppstigningardag, þrír. Sá stærsti er án efa leikur Stjörnunnar og KR á miðvikudagskvöldið. Liðin mættust einmitt í síðustu umferð í Bestu deildinni, þar sem Vesturbæingar unnu endurkomusigur.
Dregið verður í 8-liða úrslit keppninnar í beinni útsendingu í bikarkvöldi á RÚV 2 á fimmtudaginn, en þátturinn hefst kl. 16:55 eftir leik Fylkis og FH.
16-liða úrslit Mjólkurbikars karla
Miðvikudag:
Þróttur R. – Breiðablik (17:30)
HK – Víkingur R. (19:15)
Afturelding – Njarðvík (19:15)
ÍA – Grindavík (19:15)
Stjarnan – KR (20:00)
Fimmtudag:
KA – Ægir (14:00)
Vestri – Grótta (14:00)
Fylkir – FH (15:00)
