Myndband frá nýju sjónarhorni af atvikinu sem leiddi til þess að jöfnunarmark West Ham var dæmt af gegn Arsenal hefur vakið mikla reiði meðal stuðningsmanna fyrrnefnda liðsins.

Arsenal vann leikinn 0-1 eftir mark Leandro Trossard, en West Ham taldi sig hafa jafnað í uppbótartíma þegar Callum Wilson skoraði. Markið var hins vegar dæmt af eftir skoðun í VAR vegna brots á markverðinum David Raya.

Eftir að myndband fór í dreifingu frá nýju sjónarhorni telja stuðningsmenn West Ham að brotið hafi verið á leikmönnum þeirra í teignum í aðdraganda marksins einnig, þar á meðal, Jean-Clair Todibo og Konstantinos Mavropanos.

Nuno Espirito Santo, stjóri West Ham, gagnrýndi dómara á Englandi fyrir ósamræmi í dómgæslu eftir leik.

„Það skapar rugling og pirring. Þetta gerist á öllum völlum, ekki bara hér,“ sagði hann.

Myndband af atvikinu úr nýju sjónarhorni er hér að neðan.

This angle…WOW

PABLO IS BEING MANHANDLED BY TWO ARSENAL PLAYERS AND LITERALLY LOSES BALANCE BECAUSE OF THIS

RICE DRAGS MAVROPANOS INTO THE GOAL AFTER TRYING TO BEAR HUG SUMMERVILLE

TODIBO IS RECEIVING WAIST LOVE

IT’S AN ABSOLUTE FARCE I WONT GET OVER pic.twitter.com/cfbTPrmx2p

— Central (@WestHam_Central) May 11, 2026