Loris Karius, fyrrum markvörður Liverpool, og eiginkona hans Diletta Leotta hafa eignast sitt annað barn saman. Parið greindi frá gleðitíðindunum á Instagram þar sem þau birtu fallega fjölskyldumynd af sér með nýfæddum syni sínum, Leonardo, og tveggja ára dótturinni Aria.

Karius, sem er 32 ára gamall, leikur í dag með Schalke í Þýskalandi og hefur átt góðar vikur bæði innan sem utan vallar. Fyrir skemmstu tryggði Schalke sér sæti í efstu deild þýska fótboltans og nú hefur fjölskyldan einnig stækkað.

Diletta Leotta, sem er þekktur sjónvarpsmaður hjá DAZN á Ítalíu, birti myndina af fjölskyldunni af sjúkrahúsinu ásamt hlýlegum skilaboðum.

Karius er mörgum knattspyrnuáhugamönnum minnisstæður fyrir erfiðan leik með Liverpool í úrslitum Meistaradeildarinnar árið 2018 gegn Real Madrid. Þar gerði þýski markvörðurinn tvö afdrifarík mistök í 3-1 tapi Liverpool í Kænugarði.

Eftir leikinn spilaði Karius aldrei aftur fyrir Liverpool og yfirgaf félagið formlega árið 2022.