Aðeins örfáum klukkustundum eftir að hann vann Óskarsverðlaun fyrir aukahlutverk sitt í Moonlight, var Mahershala Ali búinn að landa milljónasamningi fyrir að auglýsa undirföt fyrir Calvin Klein.
Fjórum dögum áður en hann stóð á sviði með styttuna gylltu og þakkaði fyrir sig hafði hann eignast sitt fyrsta barn – svo það er skammt stórra högga á milli hjá hjá Mahershala.
Hann ásamt meðleikurunum úr Moonlight, þeim Trevante Rhodes, Ashton Sanders og Alex Hibbert, verður í aðalhlutverki í herferð Calvin Klein til að kynna vorlínu karlmanna í nærfötum 2017.
Ljósmyndarinn Willy Vanderperre tók myndirnar sem eru tískumyndir með áherslu á karakter fyrirsætanna.
Eins og kunnugt er var það kvikmyndin Moonlight sem hlaut verðlaun sem besta kvikmyndin aðfararnótt mánudagsins eftir að kynnarnir höfðu óvart tilkynnt LaLaLand sem sigurvegarann, og þannig gert þessa 89. verðlaunahátíð verulega eftirminnilega.
Myndin fjallar um ungan þeldökkan mann sem strögglar við lífið í grjóthörðu hverfi í Miami.
Síðustu auglýsingaherferðir Calvin Klein hafa skartað módelum eins og Kendall Jenner og Justin Bieber – svo mörgum finnst þetta hressandi breyting.
Lestu meira: Þetta eru sigurvegarar Óskarsverðlaunanna 2017
Það var Huffington Post sem greindi frá
