Í nýju myndskeiði fyrir næsta þátt af Keeping Up With the Kardashians kemur fram að Scott Disick hefur byrjað að djamma aftur eins og hann gerði áður fyrr. Hann kennir því um að hann hafi heyrt sögusagnir um að Kourtney væri byrjuð að hitta annann mann.
„Ég er hér í Dubai og frétti að Kourtney var með einhverjum öðrum,“
segir Scott í myndskeiðinu. Kim hringir síðan í Kourtney til að segja henni að Scott sé stjórnlaus í drykkjunni og ennþá drukkinn síðan kvöldið áður. En Scott gerði þó fleira en að drekka í Dubai. Kim fer inn í hótelherbergið hans og sér að hann er ekki einn.
„Finnst þér eins og við ættum að sparka niður baðherbergishurðinni og sjá hvað í [bíp] er þarna?“
öskrar Kim. Hún opnar síðan hurðina og sér ókunnuga konu þar og öskrar: „Dræsa!“
Drama, drama og enn meira drama – sífellt hjá Kardashian-klaninu. Ennþá er ekki komið fram hver konan er og margir eru spenntir fyrir að sjá viðbrögð Kourtney við fréttunum. Við fáum að sjá það í næsta KUWTK þætti sem verður sýndur á E! Online næsta sunnudag.
