Arsenal tók á móti Atletico Madrid í kvöld í seinni leik liðanna í undanúrslitum Meistaradeildarinnar. Þeim fyrri lauk með 1-1 jafntefli á Spáni.
Arsenal var betri aðilinn í fyrri hálfleiknum og það skilaði sér í marki Bukayo Saka undir lok hans. Þá fylgdi hann eftir skoti Leandro Trossard.
Seinni hálfleikur var opnari í báðar áttir og Atletico Madrid átti nokkur álitleg áhlaup þegar leið á hann. Þeim tókst þó ekki að ógna forystunni að alvöru og lokatölur urðu 1-0, samanlagt 2-1.
Arsenal fer þar með til Búdapest og mætir þar Bayern Munchen eða Paris Saint-Germain. Síðarnefnda liðið leiðir einvígið 5-4 eftir fyrri leikinn þar.
Þetta verður fyrsti úrslitaleikur Arsenal í Meistaradeildinni síðan 2006, þegar liðið tapaði 2-1 gegn Barcelona. Það var jafnframt þeirra eini úrslitaleikur í keppninni til þessa.
