Davíð Smári Lamude þjálfari Vestra hefur unnið maganð starf fyrir félagið og hápunkturinn var um liðna helgi þegar liðið varð bikarmeistari um helgina eftir sigur á Val í úrslitaleik.

Davíð Smári kom Vestra upp úr Bestu deildinni fyrir tveimur árum síðan og hefur síðan unnið magnað starf í deild þeirra bestu.

Rætt var um framtíð Davíðs með Vestra í hlaðvarpi Dr. Football í gærkvöldi en sögur hafa verið á kreiki um að Davíð gæti hætt.

„Það er ekkert óeðlilegt að hann sé orðaður við önnur lið, það var stuðningsmaður sem hafði samband við mig og menn vildu lesa það úr orðum Davíðs að hann yrði ekki áfram. Þessi titill breytir öllu,“ sagði Hjörvar Hafliðason um málefni Davíðs.

Hjörvar telur að Evrópusætið sem Vestri tryggði sér um helgina hafi hjálpað til við að halda takti, Vestri muni líklega fá minni pening frá útgerðarfyrirtækjum á Vestfjörðum vegna breytinga á veiðigjöldum.

„Það væri ekkert óeðlilegt við það að það kæmi minni peningur inn í Vestra á næstu leiktíð út frá því sem hefur breyst í þjóðfélaginu, það er þannig. Þeir munu líða fyrir það, Evrópupeningurinn gefur þeim færi á að halda áfram.“

Albert Brynjar Ingason sem lék undir stjórn Davíðs hjá Kórdrengjum og lék þar með Fatai Gbadamosi sem nú er í Vestra, telur að Davíð verði áfram eftir sigur helgarinnar.

„Ég held að það sé rétt metið með Davíð Smára, stærsta vísbending sem ég hef fengið með það er Fatai. Hann var að hlera mig hvað hann ætti að gera næst, hann sagðist ekki geta skrifað undir strax því hann hélt að Davíð Smári væri að fara. Davíð hafði þá ekki pikkað í hann að skrifa undir, það var stærsta vísbending um að Davíð yrði ekki áfram. Núna er Fatai búin að skrifa undir og það gæti því hafa breyst.“

Hjörvar segir að hlutabréfin í Davíð séu hátt uppi núna. „Ef að eitthvað af þessum stóru býðst, stokkurinn er hár núna.“