Olympique de Marseille hefur átt erfitt tímabil og ólgan innan félagsins virðist fara vaxandi eftir brotthvarf Roberto De Zerbi fyrr á árinu.

De Zerbi yfirgaf félagið í febrúar og hefur síðan tekið við Tottenham Hotspur, en margt bendir til að vandamálin hjá Marseille hafi aukist eftir brottför hans. Arftaki hans, Habib Beye, hefur byrjað illa og tapað fimm af fyrstu níu leikjum sínum.

Þrátt fyrir æfingabúðir til að bæta liðsheildina hefur gengi liðsins ekki batnað og nú eru leikmenn sagðir sæta auknu álagi á æfingum.

Mason Greenwood hefur verið besti leikmaður liðsins tölfræðilega séð með 15 mörk og sjö stoðsendingar, en hann er gagnrýndur fyrir áhugaleysi og slakan leik. Þá er óvíst hvort hann verði áfram hjá félaginu.

Pierre-Emile Højbjerg hefur einnig fengið gagnrýni fyrir frammistöðu sína sem fyrirliði, en aðrir reynslumiklir leikmenn eins og Benjamin Pavard og Pierre-Emerick Aubameyang hafa verið nefndir í neikvæðu samhengi.

Staðan hjá Marseille er því mjög viðkvæm.