Tómas Bent Magnússon verður ekki meira með Hearts á tímabilinu vegna meiðsla.
Þetta staðfestir knattspyrnustjórinn Derek McInnes og einnig að annar miðjumaður, Oisin McEntee, verði ekki meira með.
Tómas hefur slegið í gegn á leiktíðinni en ekki verið með í síðustu þremur leikjum vegna meiðsla á læri. Hann gekk í raðir Hearts frá Val síðasta sumar.
Hearts er að eiga ótrúlegt tímabil og er á toppi skosku úrvalsdeildarinnar með 70 stig, stigi meira en Rangers og þremur meira en Celtic.
Verði félagið Skotlandsmeistari verður það í fyrsta sinn síðan 1985 sem annað hvort Celtic eða Rangers verða það ekki.
