Manchester City mun kveðja varnarmanninn John Stones í sumar eftir áratug hjá félaginu.
Stones kom frá Everton árið 2016 og var lykilmaður í liði Pep Guardiola lengi vel.
Á ferlinum hjá City vann hann meðal annars sex enska meistaratitla og Meistaradeildina, en síðustu ár hafa meiðsli sett strik í reikninginn og dregið úr spiltíma hans.
Samkvæmt fréttum verður brotthvarf hans staðfest á næstu dögum.
Stones, sem hefur spilað yfir 80 landsleiki fyrir England, er sagður eftirsóttur af fjölda liða í Evrópu og gæti jafnvel snúið aftur til Everton.
