Javier Tebas, forseti spænska knattspyrnusambandsins, hefur baunað á spænska miðla eftir hvernig þeir komu fram við Kylian Mbappe fyrr í vetur.

Mbappe kom til Real frá Paris Saint-Germain í sumar og byrjaði ansi illa og var harðlega gagnrýndur af blaðamönnum á Spáni.

Tebas stóð hins vegar alltaf með þessum frábæra leikmanni sem hefur verið að minna á sig í síðustu leikjum.

,,Ég ætla að segja það sama og ég sagði þegar þið voruð að drepa hann, þið voruð að tala um hversu lélegur Mbappe væri,“ sagði Tebas.

,,Það voru margir sem sögðu það á sínum tíma. Ég sagði á sama tíma að þetta væri leikmaður sem væri ekki búinn að gleyma hvernig á að spila og að hann myndi gera gloríur fyrir bæði Real Madrid og spænskan fótbolta.“

,,Þetta er sami Kylian Mbappe og við þekkjum. Svona leikmenn gleyma ekki hvernig á að spila fótbolta.“