Pogba kom sér í fréttir í gær fyrir að reyna að endurvekja deilur við sinn fyrrum stjóra, Jose Mourinho. Pogba sagði þá í viðtali við Sky Sports:

„Sambandið sem ég hef við Ole er öðruvísi, hann færi aldrei gegn leikmönnum. Ole velur stundum ekki leikmann í hóp en hann myndi aldrei setja leikmenn til hliðar eins og þeir séu ekki til lengur. Það er munurinn á Mourinho og Ole.“

„Ég átti einu sinni gott sambandi við Mourinho, það sáu það allir, en svo einn dag fór allt í vaskinn.“

Þegar Mourinho var beðinn um að svara ásökunum Pogba eftir leik Tottenham og Everton sagði Mourinho við Sky Sports:

„Mig langar bara að koma því á framfæri að mér gæti ekki verið meira sama um hans skoðanir. Ég hef ekki minnsta áhuga á því.“