Liverpool var í miklum meiðslavandræðum í vörninni á síðasta tímabili er Virgil van Dijk, Joel Matip og Joe Gomez meiddust allir alvarlega. Nú eru þeir allir heilir og hafa Matip og van Dijk myndað sterkt varnarpar á tímabilinu.
Mikið hefur verið látið með van Dijk síðan hann kom til Liverpool og hefur hann verið mikilvægur hlekkur í velgengni Liverpool síðustu ár og á síðasta tímabili sást hve mikilvægur hann er. Jamie Carragher finnst þó of lítið talað um Joel Matip sem honum finnst hafa verið betri en van Dijk á tímabilinu hingað til.
„Mér finnst Matip hafa verið betri en Virgil van Dijk á þessu tímabili.“
„Hann er leikmaður sem siglir undir radarnum þar sem hann er ekki stórt nafn, hann kom á frjálsri sölu og hefur verið lengi ungir Jurgen Klopp. Auk þess glímir hann oft við meiðsli.“
„En alltaf þegar hann spilar er hann frábær. Hann og van Dijk eru að mynda mjög gott varnarpar þessa stundina.“
