Kristján Óli Sigurðsson, sérfræðingur í hlaðvarpsþættinum Dr. Football, valdi í þætti dagsins þá fimm leikmenn sem hafa komið honum skemmtilega á óvart í Pepsi Max-deild karla í sumar.

Hér fyrir neðan má sjá listann ásamt stuttri umsögn Kristjáns um hvern leikmann fyrir sig.

5. Orri Hrafn Kjartansson – Fylkir

,,Í betra liði þá er þetta alvöru gæi, það er klárt mál.“

4. Jason Daði Svanþórsson – Breiðablik

,,Hvernig hann pressar og annað, það er til eftirbreytni. Úr neðri hluta Lengjudeildar og í titilbaráttu.“

3. Sævar Atli Magnússon – Leiknir R. (Nú í Lyngby)

,,Ég vissi að hann væri góður en ég vissi ekki að hann væri svona ógeðslega góður. Enda sjáum við Leiknisliðið, hann skoraði 9 af 18.“

2. Júlíus Magnússon – Víkingur R.

,,Mér finnst hann hafa stigið upp, loksins. Ég held að hann hafi líka notið góðs af því að fá Pablo (Punyed) inn á miðjuna.“

1. Steinþór Már Auðunsson (Stubbur) – KA

,,Hann var í Magna og Dalvík til skiptis, eitthvað svona. Jajalo meiðist fyrir mót, Stubburinn fer bara í markið og er kominn með Evrópudraum fyrir Akureyringa. Svo er hann líka með góðan fót. Hann getur sett 60 metra kúlur á Hallgrím eða Ásgeir.“