Paul Pogba hefur verið orðaður við brottför frá Manchester United í sumar og er PSG talið vera áhugasamt um franska miðjumanninn.
Stuðningsmenn PSG eru þó ekki á eitt sáttir og vilja ekki fá hann til félagsins. Stuðningsmenn voru með borða á leikvelli PSG þar sem stóð:
„Pogba þú ættir að hlusta á móður þína, hún vill ekki að þú komir hingað og það viljum við ekki heldur.”
Þá hafa gömul ummæli hans verið grafin upp þar sem hann sagðist ekki vilja spila fyrir PSG vegna þess að foreldrar hans eru stuðningsmenn Marseille.
„Ég vil ekki spila fyrir félagslið á Parc des Princes. Ég hef ekki áhuga á því þar sem foreldrar mínir voru stuðningsmenn Marseille þannig að PSG passar ekki í mín plön,” sagði Pogba við Canal+.