Real Madrid hafnaði fyrsta tilboði Manchester United í franska miðvörðinn Raphael Varane. Þetta segir spænski miðillinn AS.
Tilboðið hljóðaði upp á 45 milljónir evra, með 5 milljónum til viðbótar sem gætu bæst við síðar.
Real er sagt vilja nær 70 milljónum evra fyrir þennan 28 ára gamla leikmann. Varane á eitt ár eftir af samningi sínum í spænsku höfuðborginni.
Það er talið að Varane vilji ólmur ganga til liðs við Man Utd. Það sé aðeins undir félögunum komið að ná samkomulagi um kaupverð.
Varane hefur verið hjá Real í áratug. Hann hefur orðið Spánarmeistari með liðinu þrisvar sinnum og Evrópumeistari fjórum sinnum.
Þá var miðvörðurinn einnig í landsliði Frakklands sem varð heimsmeistari árið 2018.
Enski boltinn á 433 er í boði 
