Tveimur leikjum var að ljúka í 13. umferð Pepsi-Max deildar karla. Leiknir tók á móti Stjörnunni og Víkingur R. sótti Keflavík heim.
Leiknir tók á móti Stjörnunni á Domusnova vellinum í kvöld. Leiknir var miklu betra liðið í fyrri hálfleik og kom Sævar Atli heimamönnum yfir strax á 7. mínútu. Hjalti Sigurðsson tvöfaldaði forystuna á 26. mínútu og það dugði til þess að tryggja Leiknismönnum sigur gegn Stjörnunni.
Leiknir 2 – 0 Stjarnan
1-0 Sævar Atli Magnússon (´7)
2-0 Hjalti Sigurðsson (´26)
Keflavík tók á móti Víkingi á HS Orku vellinum í kvöld. Sindri Þór Guðmundsson kom Keflavík yfir á 22. mínútu en Nikolaj Hansen jafnaði fyrir gestina eftir um það bil klukkutíma leik. Helgi Guðjónsson kom Víkingum yfir á 78. mínútu og tryggði þeim þar með þrjú mikilvæg stig í toppbaráttunni.
Keflavík 1 – 2 Víkingur R.
1-0 Sindri Þór Guðmundsson (´22)
1-1 Nikolaj Hansen (´58)
1-2 Helgi Guðjónsson (´78)