Nokkrir leikmenn í enska landsliðinu telja að Harry Kane muni neita því að mæta á æfingar hjá Tottenham á undirbúningstímabilinu til þess að reyna að komast frá félaginu og til Manchester City.
Nuno Espirito Santo, nýr þjálfari Tottenham, reyndi að kæla niður í þeirri umræðu að Kane væri a leið frá klúbbum á blaðamannafundi í vikunni.
En samkvæmt The Telegraph telja liðsfélagar hans úr landsliðinu að hann muni ekki mæta á undirbúningstímabilið ef liðið leyfir honum ekki að fara. Þetta er svipuð aðferð og Gareth Bale notaði árið 2013 áður en hann fór til Real Madrid fyrir metfé.
Harry Kane á enn þrjú ár eftir af samningi hjá Tottenham en vill yfirgefa félagið í von um að vinna titla annars staðar.
Enski boltinn á 433 er í boði 
