Rafa Benitez fór í dag á sinn fyrsta blaðamannafund eftir að hann var kynntur sem nýr stjóri Everton. Hann viðurkenndi þar að það hafi ekki verið erfið ákvörðun að taka við liðinu.

Aðdáendur Everton voru vægast sagt ósáttir við ráðninguna og settu upp borða og mótmæltu harkalega vegna tengslanna við Liverpool. Benitez var lengi þjálfari Liverpool og vann meðal annars Meistaradeildina árið 2005 með félaginu og er vel liðinn af stuðningsmönnum liðsins.

“Þetta var auðvelt fyrir mig þar sem ég vildi fara að þjálfa gott lið. Borðarnir höfðu engin áhrif á mig, ég var viss um að þetta væri frábært tækifæri,” sagði Benitez á blaðamannafundi.

“Ég er ekki hræddur við þetta, alveg öfugt við það.”

Þegar Benitez þjálfaði Liverpool sagði hann að Everton væri lítill klúbbur. Hann er ekki á því í dag.

“Þetta var fyrir löngu síðan. Þú ert alltaf að berjast fyrir þinn klúbb og það mun ég gera núna. Ég mun berjast fyrir Everton.”

“Ég ætla að gera mitt besta til þess að vinna alla leiki. Ég er mjög ánægður með að þessi klúbbur stækkar með hverjum deginum.”

Enski boltinn á 433 er í boði