Sir Alex Ferguson, fyrrum stjóri Manchester United heimsótti veikan mann á spítala í Manchester borg í vikunni. Damien Nixon er 32 ára gamall og fékk þær fréttir frá læknum að ekki væri frekari meðferð í boði vegna veikinda hans, hann ætti aðeins nokkra mánuði eftir á lífi.
Damien er stuðningsmaður Manchester United, þegar fjölskylda hans frétti af því að Ferguson væri á spítalanum að heimsækja gamlan vin. Ákváðu þau að reyna að fá hann í heimsókn.
Þau biðu fyrir utan herbergið þar sem Ferguson var staddur og þegar hann kom út, sögðu þau honum sögu Damien. Ferguson var ekki lengi að stökkva til og heimsótti Damien.
,,Viðbrögð Damien voru mögnuð, bróðir hans hafði keypt fyrir hann treyjuna frá 1999, þegar liðið vann þrennuna. Fyrr um daginn, það var ótrúleg tilviljun,“ sagði systir Damien.
A very close friend of mine currently in hospital battling terminal cancer gets a visit from his biggest hero Sir Alex Ferguson. This will be such a boost to him and a lovely gesture from the @ManUtd legend in his final days. Damien is a huge Utd fan and really deserved this 😢 pic.twitter.com/ZnMLp7IJ0M
— Callum Drew Craven (@Crave_Dog) February 11, 2020
