Hjörvar Hafliðason, maðurinn sem kveðst stoltur vinna alla heimavinnuna í Dr. Football. Hefur lagt til að íslenska landsliðið skipti úr Erik Hamren, sem landsliðsþjálfara ef liðið fer ekki á Evrópumótið í gegnum umspilið. Þeir leikir fara fram í mars og þar er Ísland í góðum möguleika. Það kemur í ljós síðar í vikunni, hverjir andstæðingar Íslands verða.

Hjörvar leggur til að Guðni Bergsson, taki upp tólið og heyri í Åge Hareide ef Hamren kemur liðinu ekki á EM. Hareide mun láta af störfum sem þjálfari, Dana eftir Evrópumótið.

,,Ef Erik Hamren klúðrar þessu umspili er ljóst hver er fyrsti kostur Íslendinga í starfið. Ég þarf ekki að fara niður í Laugardal og stafa það ofan í gengið. Åge Hareide er að sjálfsögðu fyrsti kostur í starfið,“ sagði Hjörvar í þætti sínum í dag.

,,Það er búið að gefa út að hann verður ekki áfram eftir 2020, Peter Schmeichel er brjálaður. Ef Hamren klárar ekki umspilið þá tölum við, við Åge Hareide. Áður en við ræðum við einhvern annan. Hann fékk að vita það í byrjun sumars að hann verði ekki áfram, þeir vilja nýtt einkenni á lið sitt.“

Kasper Hjulmand mun taka við starfinu af Hareide næsta haust.  ,,Åge Hareide hefur verið einkar farsæll, liðið var frábært á HM í Rússlandi og óheppnir að fara ekki lengra.“

Hareide er 66 ára gamall og kemur frá Noregi, hann var lengi vel þjálfari norska landsliðsins.