Borussia Dortmund er byrjað að leita að eftirmanni Jadon Sancho, búist er við að enski kantmaðurinn fari næsta sumar.
Manchester United, Liverpool og fleiri lið vilja fá þennan 19 ára kantmann til sín.
Bild í Þýskalandi segir að Dortmund skoði Javairo Dilrosun hjá Hertha Berlin og Ferran Torres hjá Valencia, til að fylla skarð hans.
Sancho var áður hjá Manchester City en hann ólst upp við að styðja Manchester United, skrefið til Liverpool gæti heillað meira í dag.
Bild segir að Dortmund vilji um 130 milljónir punda, sömu upphæð og félagið fékk fyrir Ousmane Dembele frá Barcelona.
