Pierre-Emerick Aubameyang, leikmaður Arsenal, gæti boðið upp á sérstakt fagn ef hann skorar gegn Tottenham á morgun.
Aubameyang hefur áður boðið upp á sérstök fögn en aðallega er hann lék með Dortmund í Þýskalandi.
Framherjinn hefur gert átta mörk fyrir leik morgundagsins og gæti fagnað vel ef hann verður í stuði.
,,Við sjáum til, það fer eftir því hvernig skapi ég er í,“ sagði Aubameyang við Sky Sports.
,,Ég man eftir grannaslag þegar ég tók Batman grímu með mér til Dortmund. Ég fékk þá hugmynd um morguninn.“
,,Ég hringdi í frænda minn og sagði við hann að kaupa grímuna. Þetta veltur á skapinu sem ég verð í.“
,,Ef mér líður vel þá af hverju ekki? Mér líður vel núna svo kannski, við sjáum til.“
