Jóhann Már Helgason, sparkspekingur með meiru, var gestur í nýjasta þætti af Íþróttavikunni á 433.is. Helgi Fannar Sigurðsson og Hrafnkell Freyr Ágústsson hafa umsjón með þættinum.
Í dag mætast Manchester-liðin United og City í úrslitaleik enska bikarsins. United hafnaði í áttunda sæti ensku úrvalsdeildarinnar og getur á einhvern hátt bjargað sinni leiktíð. Bláliðar voru hins vegar að vinn sinn fjórða Englandsmeistaratitil í röð og geta varið enska bikarmeistaratitilinn í dag.
„Menn eiga það til að gíra sig upp í svona leiki en að sama skapi er ég með þetta 75/25 fyrir City. Pep er ekkert mikið fyrir að tapa úrslitaleikjum þó hann hafi vissulega gert það,“ sagði Jóhann um leikinn.
„Svo er það framtíð Ten Hag, hvernig fer það allt saman í mannskapinn?“ bætti hann við en sæti Hollendingsins er heitt.
Hrafnkell tók til máls.
„Ég er á því að United verði að komast yfir, annars er þetta ekki möguleiki. Ef City kemst í 1-0 og nær stjórn á leiknum er þetta búið.“
Umræðan um þetta er í heild í spilaranum hér ofar.
HB_ITR320_NET.mp4
