fbpx
Laugardagur 23.mars 2019
433Sport

Sorg í Vestmannaeyjum – Fyrrum landsliðsmaður í fótbolta og skólastjóri bráðkvaddur á Heimakletti

Hörður Snævar Jónsson
Miðvikudaginn 25. apríl 2018 13:00

Ekki missa af Helstu tíðindum dagsins í pósthólfið þitt

Lesa nánar

Maðurinn sem hneig meðvitundarlaus niður á Heimakletti í Vestmannaeyjum í gær hét Sigurlás Þorleifsson. Hann komst aldrei til meðvitundar. Sigurlás var fyrrum knattspyrnuhetja í Eyjum og starfaði við góðan orðstír sem skólastjóri í Grunnskóla Vestmannaeyja. Þar er nú flaggað í hálfa stöng og er hans minnst með hlýjum orðum á Facebook-síðu skólans. Sigurlás skilur eftir sig eiginkonu og fimm börn.

Sigurlás hafði verið á göngu með vinum sínum þegar hann hneig niður, endurlífgunartilraunir báru ekki árangur og var hann úrskurðaður látinn á sjúkrahúsinu í Vestmannaeyjum. Sigurlás var 60 ára gamall en hann átti glæstan feril sem knattspyrnumaður og þjálfari. Hann lék tíu landsleiki fyrir hönd Íslands en hann klæddist á ferli sínum búningum Víkings og ÍBV.

Þá var Sigurlás þjálfari ÍBV um tíma í meistaraflokki auk þess að þjálfa yngri flokka félagsins. Hefur hann átt stóran þátt í uppgangi félagsins. Á Facebook-síðu Grunnskólans í Vestmannaeyjum er greint frá andláti Sigurlásar. Þar minnast margir Eyjamenn Sigurlásar með hlýjum orðum en ljóst er að merkur maður er fallinn frá. Er Sigurlási lýst sem yndislegum, heiðarlegum og duglegum  manni sem hafði mikil áhrif á sitt bæjarfélag til góðs. Í tilkynningu frá Grunnskóla Vestmannaeyja segir orðrétt:

Í gær fengum við þær sorgarfregnir að Sigurlás Þorleifsson skólastjóri hefði fallið frá. Sigurlás var skólastjóri við GRV í fimm ár en hefur starfað við skólann í fjöldamörg ár, bæði sem kennari og aðstoðarskólastjóri í Hamarsskóla, þetta er því mikill missir fyrir starfsfólk og nemendur.

Umsjónarkennarar tóku á móti nemendum sínum í morgun og færðu þeim fregnirnar og áttu rólega stund í sínum bekk. Skólastarf mun vera með eðlilegum hætti í dag fram að hádegi, en skóla mun ljúka kl. 13:00 í dag, miðvikudaginn 25. apríl..

Hugur okkar er núna hjá fjölskyldu Sigurlásar.
Með vinsemd,
stjórnendur GRV

Þá birtir Elliði Vignisson bæjarstjóri í Vestmannaeyjum ljóð til minningar um Sigurlás sem hljóðar svo:

Fótmál dauðans fljótt er stigið
fram að myrkrum grafarreit,
mitt er hold til moldar hnigið
máske fyrr en af ég veit.
Heilsa, máttur, fegurð, fjör
flýgur burt sem elding snör.
Hvað er lífið? Logi veikur,
lítil bóla, hverfull reykur.

Margur einn í aldurs blóma
undi sæll við glaðan hag,
brátt þá fregnin heyrðist hljóma:
Heill í gær, en nár í dag.
Ó, hve getur undraskjótt
yfir skyggt hin dimma nótt!
Fyrir dyrum dauðans voða
daglega þér ber að skoða.
(Björn Halldórsson í Laufási)

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 14 klukkutímum

Kjartan Henry tjáir sig um fagn Viðars: ,,Smá banter og allt fer á hliðina“

Kjartan Henry tjáir sig um fagn Viðars: ,,Smá banter og allt fer á hliðina“
433Sport
Fyrir 14 klukkutímum

Viðar Örn um fagnið sem allir eru að tala um: Ég ákvað að svara gríni Kjartans

Viðar Örn um fagnið sem allir eru að tala um: Ég ákvað að svara gríni Kjartans
433Sport
Fyrir 16 klukkutímum

Bjarni vill sjá þetta gerast í seinni hálfleik: ,,Þeir geta ekki neitt, verum alveg hreinskilnir þeir geta ekkert“

Bjarni vill sjá þetta gerast í seinni hálfleik: ,,Þeir geta ekki neitt, verum alveg hreinskilnir þeir geta ekkert“
433Sport
Fyrir 16 klukkutímum

Það sem þjóðin hafði að segja yfir leiknum: Jarðar kynþokka íslenska liðsins – ,,Erfitt fyrir Rúrik að sjá þennan inná“

Það sem þjóðin hafði að segja yfir leiknum: Jarðar kynþokka íslenska liðsins – ,,Erfitt fyrir Rúrik að sjá þennan inná“
433Sport
Fyrir 22 klukkutímum

Sló í gegn í Ófærð: Byggður upp með hörku í fótbolta -,,Hefur leyfi til að öskra á mann og niðurlægja“

Sló í gegn í Ófærð: Byggður upp með hörku í fótbolta -,,Hefur leyfi til að öskra á mann og niðurlægja“
433Sport
Fyrir 23 klukkutímum

Rooney myndi ekki þola að sjá Liverpool vinna

Rooney myndi ekki þola að sjá Liverpool vinna
433Sport
Í gær

Alfreð er stríðsmaður: Gerði allt til þess að fara í landsliðið – ,,Þetta var slagur”

Alfreð er stríðsmaður: Gerði allt til þess að fara í landsliðið – ,,Þetta var slagur”
433Sport
Í gær

Ánægður með að vera staddur erlendis: ,,Martröð fyrir okkur öll ef þeir vinna titilinn“

Ánægður með að vera staddur erlendis: ,,Martröð fyrir okkur öll ef þeir vinna titilinn“