FC Bayern hefur orðið fyrir miklu áfalli á ögurstundu en liðið mætir Real Madrid í undanúrslitum Meistaradeildarinnar.
Arturo Vidal miðjumaður Bayern meiddist á æfingum á dögunum og nú er tímabilið úr sögunni.
Miðjumaðurinn meiddist á hné og nú hefur FC Bayern staðfest að hann hafi farið í aðgerð.
Miðjumaðurinn frá Síle mun ekki spila meira á tímabilinu en framtíð hans hefur verið til umræðu.
Vidal á rúmt ár eftir af samningi sínum og hefur verið orðaður við önnur lið.
