Áður en Harry Bretaprins og leikkonan Meghan Markle gengu í það heilaga í maí á síðasta ári setti Meghan eiginmann sinn á sérstakan kúr þar sem hann forðaðist kolvetni og drakk græna safa til að koma sér í sitt besta form fyrir stóra daginn.

Sjá einnig: Meghan Markle þarf að sneiða hjá uppáhaldsmatnum sínum á meðgöngunni.

Nú eiga hjónin von á sínu fyrsta barni og hefur Harry ákveðið að sýna samstöðu í verki, ef marka má fjölmiðilinn Express. Ku Harry vera steinhættur að drekka kaffi, te og áfengi og ætlar ekki að snerta drykkina fyrr en barnið er komið í heiminn, þar sem eiginkona hans má helst ekki snerta þessa drykki.

Þá er sagt að Harry hafi einnig byrjað að borða hollari mat á meðgöngu Meghan, en eins og flestir vita var Harry mikill partíprins hér áður fyrr og drakk oft meira en góðu hófi gegnir, sem hefur yfirleitt í för með sér óhollar matarvenjur.