Hertogaynjan Meghan Markle gengur með fyrsta barn þeirra Harry Bretaprins, eins og konungsfjölskyldan tilkynnti í gær. Er barnið væntanlegt næsta vor og ríkir mikil spenna í Buckingham-höll.
Meghan er alræmdur matgæðingur og veit fátt betra en að gera vel við sig í mat og drykk. Því miður virðist Meghan þurfa að sneiða hjá uppáhaldsmatnum sínum á meðgöngunni, heilsu barnsins vegna, en hér eru nokkrir réttir sem hún má alls ekki borða næstu mánuði.
Meghan hélt einu sinni utan um vefsíðuna The Tig og játaði ást sína á sushi á vefsvæðinu. Sagði hún að sushi minnti sig ávallt á æskuslóðirnar í Kaliforníu. Hins vegar er ekki mælt með því að þungaðar konur borði hráan fisk og því þarf Meghan að gera ráðstafanir ef hún vill láta sushi eftir sér. Sem betur fer er til aragrúi af sushi með elduðum fisk eða kjöti sem Meghan getur skipt yfir í þangað til barnið kemur í heiminn.
Meira um vefsíðuna The Tig, en Meghan lét eitt sinn hafa eftir sér að vefsíðan væri skírð í höfuðið á uppáhaldsvíninu sínu, Tignanello.
„Franskar og vín eru minn löstur,“ sagði hún í samtali við Delish árið 2016 og bætti við að hún væri sérstaklega hrifin af rauðvíni.
Varað er við því að drekka vín á meðgöngu þannig að víst er að drykkjuvenjur Meghan eiga eftir að breytast mikið þar til í vor, og jafnvel lengur, þar sem það er ekki heldur mælt með því að konur með barn á brjósti fái sér áfengi.
Hertogynjan af Sussex elskar græna safa og hefur sagt þá innihalda lækningamátt. Hún gæti þurft að gefa þá upp á bátinn þar sem óléttar konur mega helst ekki drekka ógerilsneydda safa, sem finnast víða erlendis. En ætli konunglega eldhúsið finni ekki lausn á þessu vandamáli?
Meghan heimsótti búðina Cheese Boutique oft þegar hún var við tökur á sjónvarpsþáttunum Suits í Toronto í Kanada. Því miður eru nokkrar ostategundir á bannlista þegar kemur að óléttum konum, til dæmis Brie og Camembert, þannig að hún þarf aðeins að endurskoða hvaða osta hún velur sér fram á vormánuði.
Frægt er orðið að Meghan hefur oft tekið kolvetni algjörlega úr mataræði sínu en þegar hún vill gera sér glaðan dag fær hún sér skál af pasta. Á meðgöngunni gæti hún þurft að slaka á lágkolvetna reglunni sinni þar sem mælt er með því að þungaðar konur borði heilhveitikorn.
