Atletico Madrid vann frábæran sigur í Meistaradeild Evrópu í kvöld er liðið mætti stórliði Juventus.
Um var að ræða fyrri leik liðanna í 16-liða úrslitum en Atletico hafði betur 2-0 á heimavelli.
Þeir Jose Gimenez og Diego Godin, miðverðir Atletico, sáu um að skora bæði mörk liðsins í seinni hálfleik.
Manchester City vann þá einnig frábæran sigur er liðið heimsótti þýska liðið Schalke á Veltins Arena.
City var 2-1 undir í byrjun seinni hálfleiks og fékk varnarmaðurinn Nicolas Otamendi þá rautt spjald og gestirnir orðnir tíu.
Þrátt fyrir það tókst þeim ensku að skora tvö mörk undir lok leiksins og hafði að lokum betur 3-2 í stórskemmtilegum leik.
Atletico Madrid 2-0 Juventus
1-0 Jose Gimenez(78′)
2-0 Diego Godin(83′)
Schalke 2-3 Manchester City
0-1 Sergio Aguero(18′)
1-1 Nabil Bentaleb(víti, 38′)
2-1 Nabil Bentaleb(víti, 45′)
2-2 Leroy Sane(85′)
2-3 Raheem Sterling(90′)
