David Beckham, fyrrum leikmaður Manchester United, þykir vera mjög myndarlegur og hefur lengi borið þann titil.
Beckham var frábær knattspyrnumaður á sínum tíma en hefur undanfarin ár starfað í tískubransanum sem og tekið að sér ýmis verkefni.
Í nýrri könnun kemur í ljós að Beckham er sá knattspyrnumaður sem flestir knattspyrnuaðdáendur hugsa um í rúminu.
Um 2,000 manns tóku þátt í könnun á dögunum þar sem fólk var beðið um að nefna þann knattspyrnumann sem kom fyrst upp í hugann.
Beckham fékk 26 prósent atkvæða en þónokkrir valmöguleikar voru í boði.
Cristiano Ronaldo, leikmaður Real Madrid, var í öðru sætinu í könnuninni með 20 prósent atkvæða.
Leikmenn á borð við Harry Kane, Gareth Bale, Lionel Messi og David de Gea fengu einnig tilnefningu.
