Þrátt fyrir að enginn geti með fullri vissu sagt til um hvað gerist eftir að við deyjum, þá eru til margar heillandi og óvenjulegar staðreyndir sem tengjast dauðanum.
Starfinder fjallaði nýlega um þetta og benti á eitt og annað þessu tengt.
Náttúran sér um allt – Þremur dögum eftir að við deyjum byrja ensímin úr síðustu máltíð okkar að borða líkamann.
Jarðsetningar – Venjan að jarðsetja látið fólk er rúmlega 350.000 ára gömul.
Fæðingardagurinn – Daginn sem þú fæddist, þá létust um 153.000 manns.
Fjöldi dauðsfalla – Samkvæmt upplýsingum frá Population Reference Bureau þá hafa um 117 milljarðar manna látist síðan mannkynið kom fram á sjónarsviðið.
Illa skrifaðir lyfseðlar – Í grein frá National Library of Medicine kemur fram að 7.000 til 9.000 manns látist árlega í Bandaríkjunum vegna þess að lyfseðlar fólksins eru svo illa skrifaðir.
Heyrnin – Síðasta skynjunin sem við missum við andlátið er heyrnin.
Everest – Það liggja 200 lík með fram stígunum sem fjallgöngumenn nota þegar þeir reyna að komast á topp Everest fjalls. Fjallgöngumenn nota líkin sem viðmiðunarpunkta.
Í stauk – Sá sem fann Pringles-staukinn upp bað um að aska hans yrði varðveitt í slíkum stauk eftir andlát hans.
Mismunandi áhætta – Það eru meiri líkur á að renna í baðkarinu eða verða fyrir eldingu en að lenda í hryðjuverkaárás.
Dauðarefsing – Í Súdan er krossfesting lögleg og viðurkennd aftökuaðferð dauðadæmds fólks.
Mannleg mistök – Árlega deyja um 440.000 manns vegna læknamistaka sem hefði verið hægt að koma í veg fyrir.
Dauðagangurinn – Í grein frá Death Penalty Information Center kemur fram að frá 1973 hafa minnst 195 verið dæmdir til dauða og teknir af lífi í Bandaríkjunum þrátt fyrir að vera saklausir. Fólkið var síðar sýknað.
