Hann hefur verið harðlega gagnrýndur af fólki innan og utan Repúblikanaflokksins og í tengslum við þetta hefur verið bent á að stjórnarskráin inniheldur ákvæði sem er hægt að nota til að setja sitjandi forseta af.
Margir Repúblikanar hafa gagnrýnt ummæli Trump en Demókratar hafa gengið enn lengra og bent á að hægt sé að setja Trump af sem forseta. LADbible skýrir frá þessu.
Það er 25. viðauki stjórnarskrárinnar sem er hægt að nota til að setja forsetann af. Samkvæmt þessum viðauka geta varaforsetinn og ríkisstjórnin lýst forsetann óhæfan til að gegna embættinu. Ef þessi leið er farin, þá tekur varaforsetinn við forsetaembættinu tímabundið.
Forsetinn getur mótmælt ákvörðuninni og hefst þá pólitísk valdabarátta sem endar með því að þingið greiðir atkvæði um ákvörðunina og ræður einfaldur meirihluti úrslitum.
