Þetta sagði Godfrey Otounge yfirmaður alþjóðlegrar herlögreglusveitar sem er komin til Haíti. Um 150 herlögreglumenn frá ríkjum í Mið-Ameríku er komnir til landsins til að aðstoða þarlend stjórnvöld í baráttunni við glæpagengin.
Á föstudaginn komu 75 herlögreglumenn til landsins með bandarískri herflugvél. Flestir herlögreglumannanna, sem komu þá, eru frá El Salvador. Á laugardaginn bættust aðrir 75 við, flestir frá Gvatemala.
Otunge er eins og áður sagði yfirmaður herlögreglusveitanna en verkefnið er á vegum Sameinuðu þjóðanna.
Fjölmennt lögreglulið frá Kenía hefur verið til staðar í landinu í nokkra mánuði til að takast á við glæpagengin.
Otunge sagði að eftir komu liðsstyrksins um helgina geti meðlimir glæpagengjanna hvergi falið sig og að þeim verði einfaldlega útrýmt ef þeir gefast ekki upp.
Glæpagengin hafa ítrekað ráðist á fangelsi, lögreglustöðvar og alþjóðaflugvöll landsins síðan 2021 í kjölfar morðsins á Jovenel Moise forseta. Enginn forseti hefur verið í landinu síðan.
AP segir að talið sé að glæpagengin fari með völdin í 85% af höfuðborginni Port-au-Prince.
Bahamas, Banglades, Barbados, Benín og Tjad hafa lofað að senda hermenn og lögreglumenn til Haítí til að styrkja baráttuna gegn glæpagengjunum. Ekki liggur fyrir hvenær þeir koma.
Haíti er í Karíbahafi, á sömu eyju og Dóminíska lýðveldið. Um 12 milljónir búa í landinu.
