fbpx
Þriðjudagur 16.apríl 2024
Pressan

NASA leitar að þátttakendum í „gervi-Marsleiðangur“

Pressan
Þriðjudaginn 20. febrúar 2024 06:30

Mars. Mynd: Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Vorið 2025 munu fjórir bandarískir sjálfboðaliðar flytja inn í gervi-Marsumhverfi í Houston í Texas. þar verður líkt eftir aðstæðum á Mars og mun fólkið dvelja við þessar aðstæður í eitt ár. Það eina sem vantar eru fjórir sjálfboðaliðar.

Þetta kemur fram í fréttatilkynningu sem Bandaríska geimferðastofnunin NASA sendi frá sér á föstudaginn.

Þetta er annar hlutinn, af þremur, í Chapea-verkefninu (Crew-Health and Performance Exploration).

Sjálfboðaliðarnir munu dvelja í Mars Dune Alpha, sem er þrívíddarprentað umhverfi, sem á að líkjast þeim aðstæðum og áskorunum sem geimfarar munu takast á við á Mars.

Mars Dune Alpha er við Johnson Space Center í Houston.

Meðal þeirra áskorana sem sjálfboðaliðarnir verða að takast á við eru takmarkaðar auðlindir, útbúnaður sem bilar og seinkun í samskiptum við jörðina en það tekur útvarpsbylgjur töluverðan tíma að berast á milli jarðarinnar og Mars.

Meðal verkefna sjálfboðaliðanna verður að rækta grænmeti, stunda líkamsrækt og tryggja búsetuskilyrðin.

Leitað er að heilsuhraustum bandarískum ríkisborgurum, eða fólki sem er með dvalarleyfi í Bandaríkjunum, sem reykir ekki og er á aldrinum 30 til 55 ára. Umsækjendur verða að tala góða ensku og hafa áhuga á að taka þátt í einstöku og gefandi verkefni, auk áhuga á að leggja sitt af mörkum við undirbúning NASA á fyrstu mönnuðu geimferðinni til Mars.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Vísindamanni er brugðið vegna niðurstöðu nýrrar rannsóknar

Vísindamanni er brugðið vegna niðurstöðu nýrrar rannsóknar
Pressan
Fyrir 2 dögum

4.300 ára grafhýsi gegndi ákveðnu hlutverki

4.300 ára grafhýsi gegndi ákveðnu hlutverki
Pressan
Fyrir 4 dögum

Fimm í lífshættu eftir sprengingu í Danmörku – Talið að þurrsjampó hafi komið við sögu

Fimm í lífshættu eftir sprengingu í Danmörku – Talið að þurrsjampó hafi komið við sögu
Pressan
Fyrir 4 dögum

Prestur brann til bana þegar kviknaði í kufli hans í messu

Prestur brann til bana þegar kviknaði í kufli hans í messu