fbpx
Mánudagur 20.mars 2023
Pressan

Rúmlega 100 handtekin í Íran eftir að eitrað var fyrir skólastúlkum

Pressan
Mánudaginn 13. mars 2023 07:00

Hver eitraði fyrir írönsku skólastúlkunum? Mynd:EPA

Ekki missa af Helstu tíðindum dagsins í pósthólfið þitt

Lesa nánar

Írönsk yfirvöld segja að rúmlega 100 hafi verið handtekin í tengslum við rannsókn á eitrunarmáli. Grunur leikur á að eitrað hafi verið fyrir mörg hundruð skólastúlkum víða um landið.

Íranska ríkisfréttastofan IRNA segir að samkvæmt upplýsingum frá innanríkisráðuneytinu hafi fólk verið handtekið og yfirheyrt vegna málsins og hafi þetta átt sér stað í mörgum borgum, þar á meðal höfuðborginni Teheran.

Í tilkynningu frá ráðuneytinu segir að markmiðið með því að eitra fyrir stúlkunum hafi verið að koma í veg fyrir að kennsla færi fram í skólum þeirra. Segir einnig að til þessa hafi verið notuð skaðlaus en lyktarmikil efni.

Margar fréttir hafa borist af veikindum skólastúlkna á síðustu mánuðum og hefur það orðið til þess að margar stúlkur þora ekki að mæta í skólann.

Íranskir stjórnmálamenn hafa sagt að hugsanlega hafi íslamskir harðlínumenn verið að verki en aðgerðasinnar telja eitranirnar tengist frekar mótmælum, sem hófust í september í kjölfar dauða Mahsa Ami. Margar skólastúlkur hafa tekið virkan þátt í mótmælunum, hafa tekið höfuðslæður sínar niður og eyðilagt myndir af æðsta klerki landsins, Ayatollah Ali Khamenei, og óskað honum dauða.

Hafa írönsk stjórnvöld verið sökuð um að standa á bak við eitranirnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Mögnuð uppgötvun í minnisblöðum Leonardo da Vinci

Mögnuð uppgötvun í minnisblöðum Leonardo da Vinci
Pressan
Fyrir 2 dögum

Japan töldu eyjarnar við landið og fundu einar 7.273 nýjar

Japan töldu eyjarnar við landið og fundu einar 7.273 nýjar
Pressan
Fyrir 3 dögum

Segir að fleiri heimsfaraldrar muni skella á okkur

Segir að fleiri heimsfaraldrar muni skella á okkur
Pressan
Fyrir 3 dögum

Földu lík 16 ára sonar síns og sögðu að hann hefði strokið að heiman

Földu lík 16 ára sonar síns og sögðu að hann hefði strokið að heiman