fbpx
Mánudagur 20.mars 2023
Pressan

Kim Jong-un sagður undirbúa sig undir „alvöru stríð“

Pressan
Mánudaginn 13. mars 2023 08:00

Kim Jong-un.

Ekki missa af Helstu tíðindum dagsins í pósthólfið þitt

Lesa nánar

Norður-kóreumenn hafa verið iðnir við að skjóta flugskeytum og langdrægum eldflaugum á loft að undanförnu. Á fimmtudaginn skutu þeir enn einni langdrægri eldflaug á loft frá vesturströnd landsins.

Á föstudaginn birti ríkisfréttastofa landsins, KCNA, mynd sem sýndi að her landsins hefði skotið að minnsta kosti sex eldflaugum á loft samtímis. Reuters skýrir frá þessu.

KCNA segir að þessi eldflaugaskot sýni að Kim Jong-un, einræðisherra landsins, sé að undirbúa sig undir hugsanlegt „alvöru stríð“.

Hann er sagður mjög upptekinn af að gera hinar ýmsu einingar hersins reiðubúnar til að berjast í stríði og af þeim sökum er hann sagður hafa fyrirskipað hernum að stunda æfingar þar sem líkt er eins vel eftir stríði og hægt sé.

Það neistaði á milli einræðisstjórnarinnar og Bandaríkjanna í síðustu viku þegar Kim Yo-jong, systir einræðisherrans, sagði að ætlunin sé að skjóta fleiri eldflaugum út yfir Kyrrahafið. Hún hótaði einnig öllu illu ef einhver skyldi taka upp á því að skjóta flugskeyti og eldflaugar Norður-Kóreu niður.

Norður-kóreumenn hafa einnig sakað Bandaríkin og Suður-Kóreu um að auka spennuna á Kóreuskaga með sameiginlegri heræfingu ríkjanna sem stendur yfir þessa dagana.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Mögnuð uppgötvun í minnisblöðum Leonardo da Vinci

Mögnuð uppgötvun í minnisblöðum Leonardo da Vinci
Pressan
Fyrir 2 dögum

Japan töldu eyjarnar við landið og fundu einar 7.273 nýjar

Japan töldu eyjarnar við landið og fundu einar 7.273 nýjar
Pressan
Fyrir 3 dögum

Segir að fleiri heimsfaraldrar muni skella á okkur

Segir að fleiri heimsfaraldrar muni skella á okkur
Pressan
Fyrir 3 dögum

Földu lík 16 ára sonar síns og sögðu að hann hefði strokið að heiman

Földu lík 16 ára sonar síns og sögðu að hann hefði strokið að heiman