fbpx
Sunnudagur 02.október 2022
Pressan

Einn besti ökumaður allra tíma er smeykur í umferðinni

Rafn Ágúst Ragnarsson
Þriðjudaginn 9. ágúst 2022 18:00

Mynd/AP

Ekki missa af Helstu tíðindum dagsins í pósthólfið þitt

Lesa nánar

Sigursælasti ökumaður formúlunnar frá upphafi Lewis Hamilton segist ekki hafa gaman af því að keyra, að minnsta kosti ekki á venjulegum götum. Þetta sagði hann í viðtali við Chris Heath hjá Vanity Fair. Chris fór í bílferð með kappakstursmanninum fræga og sagði að bílferðin hefði ekki verið eins og hann hafði búist við. Í fyrsta lagi keyrðu þeir ekki um frönsku rivíeruna á hraðskreiðum sportbíl heldur litlum Mercedes rafmagnsbíl. Í öðru lagi sagði Chris að Hamilton væri ofurvarkár og skynsamur ökumaður, að hann færi aldrei yfir hámarkshraða og stöðvaði bílinn ítrekað til að hleypa óþreyjufullari ökumönnum fram úr.

Hamilton sagði einnig að hann hafi ekkert gaman af því að keyra. Allavega ekki af þeim akstri sem við hin erum vön, með umferð í báðar áttir, gangandi vegfarendur og fleira. Hann sagðist keyra mjög sjaldan. „Ég held að mér finnist það bara stressandi. Ég reyni að forðast það að gera hluti sem bæta engu við lífið mitt,“ sagði Hamilton og bætti svo við: „Ég meina, við erum á götunni, það getur allt gerst.“

Þegar ferðafélagarnir keyrðu í áttina að höfninni í Nice sagði hann: „Núna er ég bara taugaveiklaður. Þessi gata er brjáluð, það er svo mikið að gerast hérna. Ég ætla að snúa við eftir smá.“

Þegar umræðan hafði vikið að ótta Hamilton við venjulega umferð tók hann fram að hann væri einnig lafhræddur við köngulær. Hann segir sig þess vegna vilja gista í herbergi á efstu hæð þegar hann ferðast til Ástralíu og alltaf þegar hann stígur inn í herbergið í fyrsta sinn kíkir hann í kringum klósettið. Hann kennir systur sinni um þessa ofsahræðslu sína við þessi oftast meinlausu kvikindi og sagði að eftir að hún hafi látið hann horfa á myndina Arachnophobia hafi hann ekki geta séð mynd af könguló án þess að hrollur liðist um hann allan.

„Fólk segir: „Gaur! Þú brunar um á þrjúhundrað kílómetra hraða!“ Og ég er alltaf bara, það er létt fyrir mig. Við erum öll bara öðruvísi,“ sagði Hamilton.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Strætómiðinn varð sprengjumanninum að falli

Strætómiðinn varð sprengjumanninum að falli
Pressan
Fyrir 2 dögum

„Ísdrottningin“ – „Grimm drottning“ – Danir hugsi yfir ákvörðun Margrétar drottningar

„Ísdrottningin“ – „Grimm drottning“ – Danir hugsi yfir ákvörðun Margrétar drottningar
Pressan
Fyrir 3 dögum

Ian veldur algjöru rafmagnsleysi á Kúbu og stefnir nú á Flórída

Ian veldur algjöru rafmagnsleysi á Kúbu og stefnir nú á Flórída
Pressan
Fyrir 4 dögum

Þrjár særðust í sprengingu í Halle í Þýskalandi

Þrjár særðust í sprengingu í Halle í Þýskalandi
Pressan
Fyrir 5 dögum

Mótmælin halda áfram í Íran þrátt fyrir aðvaranir stjórnvalda

Mótmælin halda áfram í Íran þrátt fyrir aðvaranir stjórnvalda
Pressan
Fyrir 5 dögum

Þessi atriði eru sögð benda til að foreldrar Madeleine McCann hafi staðið á bak við hvarf hennar

Þessi atriði eru sögð benda til að foreldrar Madeleine McCann hafi staðið á bak við hvarf hennar
Pressan
Fyrir 6 dögum

Blettatígrar snúa aftur til Indlands eftir 70 ára fjarveru

Blettatígrar snúa aftur til Indlands eftir 70 ára fjarveru
Pressan
Fyrir 6 dögum

Nýtt bóluefni gegn malaríu vekur góðar vonir

Nýtt bóluefni gegn malaríu vekur góðar vonir