Karlkyns fréttamenn hjá mörgum fréttaveitum í Afganistan hafa hulið andlit sín í beinni útsendingu síðustu daga. Þetta gera þeir til að mótmæla tilskipun Talíbana um að konur, meira að segja fréttaþulir, neyðist til að hylja andlitin sín í almenningi. Human Rights Watch vakti athygli á þessu.

Mótmæli þeirra ullu því að aðrir afganskir menn deildu myndum af sér með andlitin hulin sem hluti af samfélagsmiðlahreyfingunni #FreeHerFace, eða frelsið andlitið hennar. 

Fyrr í mánuðinum lýstu Talíbanar því yfir að konur og eldri stúlkur þurfi að hylja andlitin sín í almenningi og forðist það, ef mögulegt er, að vera úti.

Ákvörðunin er „endanleg og að það þurfti ekki að ræða þetta.“

Í síðustu viku sagði dyggða- og lastamálaráðuneyti Talíbana að kvenkyns fréttaþulir þyrftu einnig að hylja andlitin sín og að ákvörðunin sé „endanleg og að það hafi ekki þurft að ræða þetta.“

Fáir kvenkyns fréttaþulir hlýddu þegar tilskipunin var fyrst tilkynnt á fimmtudeginum en á sunnudeginum virtist sem verið væri að framfylgja henni.

„Þessi regla er svívirðileg skerðing á tjáningarfrelsi kvenna og þeirra rétt á sjálfræði og trúarfrelsi,“ segir Heather Barr, varaformaður kvenréttindadeildar Human Rights Watch.