fbpx
Föstudagur 01.júlí 2022
Pressan

Elon Musk sagður hafa berað sig fyrir framan flugfreyju

Rafn Ágúst Ragnarsson
Föstudaginn 20. maí 2022 13:30

Elon Musk. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Nýr skandall hefur komið upp hjá ríkasta manni heims. Í kjölfar umdeildra færslna hans á samfélagsmiðlinum Twitter hafa komið í ljós ásakanir um kynferðislega áreitni frá árinu 2016. 

Skjöl og viðtöl sem blaðamenn Business Insider hafa undir höndum uppljóstra að flugfreyja sem vann hjá flugvélaflota SpaceX, fyrirtækis í eigu Musks, ásakaði hann um að hafa berað sig fyrir framan sig. Þá segir hún auðkýfingin hafa gefið í skyn að hann vildi stunda kynlíf með sér. Hún segir SpaceX hafa borgað sér 250 þúsund bandaríkjadali í skiptum fyrir þögn hennar um málið og undirskrift starfslokasamnings.

32,7 milljónir fyrir trúnað

Forsaga atviksins sem um ræðir er sú að eftir að konan var ráðin sem flugfreyja lagði vinkona hennar til að hún fengi faggildingu sem nuddari svo hún gæti gefið Musk nudd. Það gerði flugfreyjan en hún borgaði sjálf fyrir fullgildinguna. Eftir þetta veitti flugfreyjan Musk líkamsnudd í einkaklefanum hans á leiðinni til Lundúna, en þá fjarlægði frumkvöðullinn forríki lakið sem lá yfir neðri hluta líkama hans og er sagður hafa sýnt henni kynfæri sín.

Konan, sem hefur mikinn áhuga á hestamennsku, segir að Musk hafi „komið við hana og boðist til að kaupa handa henni hest ef hún „gerði meira“,“ og átti hann þá við kynferðislegar athafnir. Skjölin sýna að hún hafi neitað boðinu en haldið nuddinu áfram.

Eftir atvikið segir vinkona konunnar við Business Insider að í kjölfarið hafi vöktum konunnar fækkað. Hún hafi upplifað það sem refsingu. Árið 2018 réði hún lögfræðing og lagði fram kvörtun á borð mannauðsdeildar SpaceX. 

Á málamiðlunarfundi, sem Musk sjálfur á að hafa sótt, samþykkti hún starfslokasamning með 250 þúsund dala greiðslu, sem gera um 32,7 milljónir í íslenskum krónum, í staðinn fyrir að skrifa undir trúnaðarsamning og loforð þess efnis að hún myndi ekki kæra.

„Klassískt bragð úr bókinni þeirra“

Þetta er í fyrsta skipti sem Musk hefur verið opinberlega bendlaður við  kynferðisbrot en í umfjölluninni kemur fram að  SpaceX og annað fyrirtæki í eigu hans, Tesla, hafi áður fengið slík mál upp á sitt borð.

Business Insider náði tali af Musk vegna málsins og sagði hann að „málið væri mun flóknara,“ og að það væri „pólitísk árás.“ Hann bætti við: „Ef ég væri til þess hneigður að áreita kynferðislega, væri þetta ólíklega í fyrsta sinn í 30 ára ferli mínum sem það kemur upp á yfirborðið.“ 

Seinna vitnaði hann til málsins á Twitter: „Það á að líta á árásirnar á hendur mér í pólitísku ljósi, þetta er klassískt bragð úr bókinni þeirra en ekkert mun halda aftur úr baráttu minni fyrir farsælli framtíð og tjáningafrelsi ykkar,“ sagði hann. Ekki er víst við hverja hann átti þegar hann segir „þeirra.“

Hann bætti síðan við: „Ég er með áskorun fyrir þennan lygara sem segir mig hafa berað mig fyrir vinkonu sinni, lýstu einu atriði (ör, húðflúr…) sem er ekki vitað af almenningi. Hún mun ekki geta það, vegna þess að þetta gerðist aldrei.“ 

Twitter hefur ekki tjáð sig um málið en eins og frægt er þá er Musk í miðju ferli við að ganga frá kaupum á miðlinum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 5 dögum

Skyndikynni geta kostað allt að sjö ára fangelsi

Skyndikynni geta kostað allt að sjö ára fangelsi
Pressan
Fyrir 5 dögum

Kennari afhjúpar ástæðuna fyrir því að hann hefur verið með auðan stól í kennslustofunni í 50 ár

Kennari afhjúpar ástæðuna fyrir því að hann hefur verið með auðan stól í kennslustofunni í 50 ár
Pressan
Fyrir 6 dögum

Þess vegna áttu ekki að sofa með kveikt á viftu

Þess vegna áttu ekki að sofa með kveikt á viftu
Pressan
Fyrir 6 dögum

Þessi níu einkenni Ómíkron koma oft fram hjá fullbólusettum

Þessi níu einkenni Ómíkron koma oft fram hjá fullbólusettum
Pressan
Fyrir 1 viku

Þetta verður um auðæfi Bill Gates að honum látnum

Þetta verður um auðæfi Bill Gates að honum látnum
Pressan
Fyrir 1 viku

Telja að bólusetningar gegn kórónuveirunni hafi bjargað 20 milljónum mannslífa

Telja að bólusetningar gegn kórónuveirunni hafi bjargað 20 milljónum mannslífa
Pressan
Fyrir 1 viku

Býr í Belgíu og sigraði í borgarstjórakosningum í Tókýó

Býr í Belgíu og sigraði í borgarstjórakosningum í Tókýó
Pressan
Fyrir 1 viku

Úkraína og Moldóva orðin umsóknarríki – „Framtíð Úkraínu er í Evrópusambandinu“

Úkraína og Moldóva orðin umsóknarríki – „Framtíð Úkraínu er í Evrópusambandinu“