Um árlega skýrslu um ástand loftslagsmála er að ræða. Dapurleg niðurstaða hennar er á sömu línu og síðustu loftslagsskýrslur Sameinuðu þjóðanna. Í þeim hafa vísindamenn í fremstu röð slegið því fast að mannkynið verði að draga úr losun gróðurhúsalofttegunda og það mikið. Ef það verði ekki gert standi mannkynið frammi fyrir hörmulegum breytingum á loftslaginu.
Magn gróðurhúsalofttegunda í andrúmsloftinu sló fyrri met á síðasta ári samkvæmt því sem kemur fram í skýrslu VMO.
Meðalhitinn á heimsvísu var 1,11 gráðum hærri en fyrir iðnvæðinguna. Meðalhitinn færist því sífellt nær hinum 1,5 gráðu mörkum sem eru talin krítísk því ef farið verði yfir þau verði afleiðingarnar alvarlegar. Eins og staðan er núna stefnum við í átt að því að fara yfir þessi mörk. Miklar breytingar þurfa að eiga sér stað til að svo fari ekki.
Hitastig heimshafanna hefur hækkað hratt síðustu 20 ár og á síðasta ári voru þau heitari en nokkru sinni áður. Reiknað er með að þau haldi áfram að hitna.
Í skýrslunni kemur fram að það muni taka mörg hundruð eða mörg þúsund ár að snúa þessari þróun við.
Á síðustu tíu árum hefur yfirborð sjávar hækkað um 4,5 cm.
Síðasta ár var meðal sjö hlýjust áranna frá því að mælingar hófust en þó var ekki eins hlýtt á síðasta ári og 2020. Ástæðan er að veðurfyrirbærið La Nina lét á sér kræla en það veldur kælingu á loftslaginu. Petteri Taalas, forstjóri VMO, segir að það sé aðeins tímaspursmál hvenær hitamet á heimsvísu verði slegið á nýjan leik.