fbpx
Mánudagur 30.janúar 2023
Pressan

Morðgátan í Idaho – „Lýsti inn í húsið“ – Hundur drepinn og fláður

Kristján Kristjánsson
Þriðjudaginn 29. nóvember 2022 07:12

Þau voru myrt um miðja nótt.

Ekki missa af Helstu tíðindum dagsins í pósthólfið þitt

Lesa nánar

Tilkynningar um dularfullt fólk og grunsamlega blóðbletti. Stúdentar sem þora ekki að snúa aftur í skólann. Þetta er veruleikinn sem lögreglan og íbúar í bænum Moscow í Idaho standa frammi fyrir þessa dagana í kjölfar þess að fjórir stúdentar voru myrtir aðfaranótt 13. nóvember.

Moscow er lítill og friðsamur bær en þar búa um 25.000 manns. Þar hafði ekki verið framið morð síðan 2015. En aðfaranótt 13. nóvember voru fjórir ungir stúdentar stungnir til bana í húsi í bænum. Tvær stúdínur, sem einnig voru í húsinu, urðu ekki varar við neitt þessa nótt og sváfu allt af sér. Þær eru ekki grunaðar um aðild að morðunum.

Samkvæmt fréttum bandarískra fjölmiðla þá eru íbúar í bænum hræddir og það sama á við um stúdenta. Margir fóru heim til sín eftir morðin og hafa ekki enn þorað að snúa aftur. Hefur skólinn því boðið upp á fjarkennslu að undanförnu.

Margir orðrómar hafa farið á kreik í kjölfar morðanna og sá lögreglan sig knúna til að stíga fram og reyna að róa íbúa bæjarins.

Madison Mogen, Kaylee Goncalves, Ethan Chapin og Xana Kernodle voru myrt aðfaranótt 13. nóvember.

 

 

 

 

 

 

Meðal þess sem lögreglan leiðrétti voru sögur um að fórnarlömbin hefðu verið bundin og að límband hefði verið yfir vitum þeirra þegar þau fundust.  Einnig sagði hún að ekki væri rétt að hundur, sem fannst dauður og fláður, tengdist málinu. Hún vísaði einnig á bug sögum um að morðin tengist morðum, sem svipar til þessara, í öðrum ríkjum.

Lögreglan sagðist hins vegar vera að rannsaka hvort hugsanlegt sé að ein af konunum þremur, sem myrtar voru, hafi verið fórnarlamb eltihrellis.

Það var undir hádegi sunnudaginn 13. nóvember sem stúdínurnar tvær, sem einnig voru í húsinu, gerðu lögreglunni viðvart um blóðbaðið. Þær voru þá nývaknaðar. Fjórmenningarnir fundust allir í rúmum sínum og höfðu verið stungnir til bana.

Talið er að morðinginn, eða morðingjarnir, hafi vitað aðgangskóðann á númerlásnum á húsinu og hafi þannig komist hljóðlaust inn. Stúdínurnar tvær, sem einnig voru í húsinu, sváfu í herbergjum á fyrstu hæðinni og vöknuðu ekki við neitt.

Þau myrtu sváfu á efri hæðum hússins.

Fox News segir að í kjölfar morðanna hafi tilkynningar til lögreglunnar í bænum rúmlega tvöfaldast. Meðal þeirra tilkynninga sem hafa borist er ein frá eiganda þvottahúss sem tilkynnti þann 23. nóvember um „bletti sem líta út eins og blóð“. Lögreglan fór á vettvang en taldi ekki ástæðu til aðgerða.

Þennan sama dag hringdi maður og tilkynnti um „mann sem spurði undarlegra spurninga“.

Þann 25. nóvember tilkynnti kona ein um að „einhver hefði margoft lýst inn um glugga hennar“ og að „einhver hefði margoft bankað á útidyr hennar vikuna áður“.

Daginn eftir hringdi maður og sagðist hafa séð hóp manna sem „hegðaði sér grunsamlega“ og „þóttust boxa“ fyrir utan bar sem tvö af fórnarlömbunum heimsóttu nóttina hræðilegu.

Þann 27. nóvember hringdi kona um miðja nótt og sagðist hafa „vaknað við að útidyrnar hjá henni voru opnar“.

CNN segir að fjöldi nemenda þori ekki að snúa aftur til Moscow á meðan morðinginn leikur lausum hala.

Um 50 lögreglumenn vinna að rannsókn málsins og hefur lögreglan í Moscow fengið liðsauka frá ríkislögreglunni í Idaho og alríkislögreglunni FBI.

Hér fyrir neðan er hægt að lesa fyrri umfjöllun DV um málið.

Háskólamorðin í Idaho vekja óhug – Af hverju þurftu þau að deyja?

Háskólamorðin í Idaho vekja óhug – Af hverju þurftu þau að deyja?

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Stjörnur hverfa hraðar en við héldum

Stjörnur hverfa hraðar en við héldum
Pressan
Í gær

Notaði ranga teskeið til að hræra í tebollanum – Það varð henni að bana

Notaði ranga teskeið til að hræra í tebollanum – Það varð henni að bana
Pressan
Í gær

Else áttaði sig ekki á verðmæti bókarinnar sem var í stofuhillunni hennar

Else áttaði sig ekki á verðmæti bókarinnar sem var í stofuhillunni hennar
Pressan
Í gær

Sáu kúk utan úr geimnum og fundu þannig mörgæsanýlendu

Sáu kúk utan úr geimnum og fundu þannig mörgæsanýlendu