fbpx
Mánudagur 30.janúar 2023
Pressan

Skelfilegt morðmál – Líkhlutum skolaði upp á land – Búið að fjarlægja líffæri

Kristján Kristjánsson
Mánudaginn 28. nóvember 2022 22:00

Blanca Arellano.

Ekki missa af Helstu tíðindum dagsins í pósthólfið þitt

Lesa nánar

Undarlegt morðmál hefur fyllt marga íbúa í Suður-Ameríku hryllingi að undanförnu.  Líkhluta rak á land í Perú og voru töluverð ráðgáta í upphafi. Um baugfingur, handlegg, andlitslaust höfuð og búk, sem búið var að taka líffærin úr, var að ræða. Allt var þetta af konu. Nú hefur læknanemi verið handtekinn vegna málsins.

Málið hófst eins og rómantísk saga. Blanca Arellano, 51 árs, varð ástfangin af Juan Pablo Jesus Villafuerta, 31 árs læknanema. Blanca, sem bjó í Mexíkó, var svo ástfangin af honum að hún fór til Huacho í Perú í júlí til að hitta hann. Þau höfðu átt í langvarandi samskiptum á Internetinu fram að því og var Blanca heilluð af Juan.

Í byrjun nóvember misstu ættingjar hennar í Mexíkó samband við hana en hún hafði skýrt frá ánægju sinni með sambandið við Juan á samfélagsmiðlum.

Ótti ættingja hennar um afdrif hennar varð að vissu þegar öðrum baugfingri hennar, með silfurhring á, skolaði upp á Chorillo-ströndina, sem er nærri þeim stað þar sem parið hafði haldið sig.

Juan Pablo Jesus Villafuertes

 

 

 

 

 

 

 

 

 

Síðan rak hvern líkamshlutann á fætur öðrum upp á ströndina. Andlitslaust höfuð, handlegg og búk. Búið var að fjarlægja öll innri líffæri úr búknum og segir lögreglan að það hafi verið gert af fagmennsku.

New York Post er meðal þeirra miðla sem skýra frá þessu. Í umfjöllun um málið hefur komið fram að Juan hafi birt myndbönd á TikTok þar sem hann sést skera lík í hluta.

Þegar lögreglan gerði húsleit heima hjá honum fann hún blóðbletti inni á baðherberginu, í þvottahúsinu og á dýnu. Ekki liggur enn fyrir hvort blóðið sé úr Blanca en lögreglan vinnur að rannsókn á því.

Upptökur úr eftirlitsmyndavélum sýna að Juan keypti þrifaefni, klór og sýru í verslun í Huacha. Lögreglan telur að hann hafi notað þessar vörur til að fjarlægja vegsummerki á heimili sínu.

Grunur leikur á að Juan hafi tekið líffærin úr Blanca og selt þau og að það hafi verið ætlun hans allan tímann.

Juan neitar sök.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Stjörnur hverfa hraðar en við héldum

Stjörnur hverfa hraðar en við héldum
Pressan
Í gær

Notaði ranga teskeið til að hræra í tebollanum – Það varð henni að bana

Notaði ranga teskeið til að hræra í tebollanum – Það varð henni að bana
Pressan
Í gær

Else áttaði sig ekki á verðmæti bókarinnar sem var í stofuhillunni hennar

Else áttaði sig ekki á verðmæti bókarinnar sem var í stofuhillunni hennar
Pressan
Í gær

Sáu kúk utan úr geimnum og fundu þannig mörgæsanýlendu

Sáu kúk utan úr geimnum og fundu þannig mörgæsanýlendu